唔夠一個禮拜就係農曆新年，自然要揀番張意頭好嘅揮春！唔少政界人士喺呢段時間都會幫市民寫揮春，順便接觸市民，而經濟動力嘅立法會議員「蘇菲」梁劉柔芬都加入寫揮春行列，但佢唔係以經濟動力嘅招牌寫揮春，而係為佢做召集人嘅社區導者學會親筆揮毫。
其實，呢個學會早前已推出一系列「開你的心」六款嘅揮春，但佢仍然唔夠喉，話要加碼喎！寫乜呢？咪喺「開你的心」嘅揮春上，再寫上「如意吉祥」，咁就更加相得益彰啦！
梁劉柔芬即席揮毫寫「如意吉祥」揮春。
