SUN世代：舅父墨寶 慈母肺腑言

Quincy辦公室桌上放着一幅墨寶，寫着他的座右銘：「敏於事、慎於言、滿招損、謙受益」。Quincy拿着墨寶珍而重之地說：「係我舅父寫畀我嘅，亦係我媽咪教我嘅做人道理，我一路都記住。」訪問中，Quincy常常提到父母親，言語間流露對父母的無限感激與尊敬。

母絕世好橋氹韓籍家嫂

父母是Quincy的榜樣，對他一生有深遠的正面影響：「我好尊敬爸爸，佢白手興家，教咗我好多嘢，特別係生意上嘅知識！爸爸成日叮囑我，做人要有誠信，要有專業操守，只可以穩中求勝，佢教我呢啲嘢，全部都一生受用！」

Quincy母親則教識他深厚家庭觀念及人情世故。Quincy說全靠母親絕世好橋，才令其韓籍妻子笑逐顏開：「太太父母住喺韓國，媽咪就諗到喺屋企起間房，專係畀太太父母住，歡迎佢哋隨時過嚟，呢招氹得太太好開心。」