City Parade：御膚有術
賽馬世界，係男士樂園。英國經典男裝品牌Kent & Curwen猜透男人心，上周日喺沙田馬場舉行「Kent & Curwen百週年紀念短途盃」，嚟一個Kent & Curwen同賽馬嘅mix & match。老闆馮國經請嚟城中名人，邊賞馬邊欣賞春夏新裝。女士們則不惜一擲千金，拒讓歲月面上留痕，殿堂級護膚品牌Cle de Peau Beaute上周四喺君悅慶祝最名貴系列Synactif踏入一周年，名媛淑女齊分享美肌心得。愛靚唔可以懶，亦不能慳。
羅霖露肩熱力四射
嚴寒天氣下，羅霖不畏寒風展露香肩。
龐董晶怡獲夫家打氣
名媛龐董晶怡（左二）擔任主禮嘉賓，老公龐維新（左一）、老爺龐國本、奶奶龐盧淑燕（右一、右二）齊現身打氣。
郭富城變身花花公子
郭富城（左）係Kent & Curwen品牌大使，利邦集團執行董事馮詠儀（右）送花致謝。
馮國綸夫妻檔迎賓
身為主人家嘅利邦集團副主席馮國綸（右）與太太滿場飛招呼賓客。
陳浩寧滑雪定品酒？
大家樂太子女陳浩寧（右）計劃新年去歐洲滑雪，但男友趙益坤（左）恨去澳洲品酒，唔知最終邊個讓步？
蓮華生輝馬主捧盃
頭馬「蓮華生輝」馬主冼鏡煜（前排左三）獲頒發「Kent & Curwen百週年紀念短途盃」，喜上眉梢。
林李婉冰皮草抗寒
名媛林李婉冰穿上皮草抵抗寒流，感覺暖笠笠。
李桂蘭感冒唔遊埠
雷林靜怡（左）新年舉家遊日本滑雪，名媛李桂蘭（右）感冒未清，暫時唔出門。
榮雪梅慳家東瀛遊
「Ball后」榮雪梅信主後戒揮霍，新年遊日本會勒住荷包唔買嘢。