政情：黎棟國打足10年流感針
本港進入流感高峰期，但好多人都冇打疫苗，保安局副局長黎棟國透露，佢連續打咗流感針十年，嚟緊下個禮拜都會去打針。
黎Sir尋日出席「油尖旺區節」，講到流感先透露多年嚟同屋企人都有打開，托賴咁耐以來無中過招，所以會繼續打，佢話，一支疫苗有效期半年，流感高峰期來臨前做準備就冇有怕喇。佢嗰兩個寶貝孫住喺澳洲，依家正值夏天，打疫苗梗係無預佢哋。
尋日佢同現場逾二千名區內人士一齊食盆菜，佢話，以前都係油尖旺街坊，對呢區好有親切感，去到周圍同人打招呼，而佢每次返嚟，除咗行吓街買嘢外，都會去搵好嘢食，仲最懷念以前踎大牌檔嘅日子。
