短打長擊：政府旁觀空氣污染殺人

香港空氣污染嚴重，空氣質素差如毒氣，我們幾乎每日都在呼吸灰蒙蒙的空氣，「塵滿面」的烏吓烏吓過日子。

港大醫學院研究發現，能見度與死亡率有關，能見度每降低六點五公里，自然死亡率便增加百分之一點一三。本港過去四年平均能見度僅為十二點六公里，較理想的三十公里水平少十七點四公里。撇除意外身亡個案，本港每年約有四萬人死於自然；根據上述數據推算，四年間估計有約四千八百人的死因與低能見度有關，即每年奪走一千二百人性命。

特區高官只懂埋首沙堆，不敢面對現實，咁又點可能拯救藍天？搞唔掂啲固體垃圾，就話要把郊野公園變成堆填區；搞唔掂啲懸浮粒子，只諗到不切實際嘅「停車熄匙」；採用的污染指數又唔跟世衞新標準，二氧化氮與懸浮粒子亂飛！總之，灰色就是香港的主調！

香港空氣臭名遠播！澳洲曾就香港空氣質素發出旅遊忠告，呼籲國民訪港時減少外出。逾九成美商不滿香港空氣質素，不少商務人員由香港遷往新加坡，主要是為了逃避香港的空氣污染問題。新加坡綠化處處，而香港在「氣候逃犯」的陰影下，樹木特別容易生癌！樹猶如此，人何以堪？

政府搞環保一味虛晃幾招，完全沒有全盤計劃，郊野公園化作堆填區行唔通，只好把塵封嘅焚化爐計劃抬出來，又大鑼大鼓敲一輪──選址、諮詢、評估……搞得嚟香港已經變成臭港！

曾獲「耶路撒冷獎」的美國作家蘇珊．桑塔格，有本文集叫《旁觀他人之痛苦》；如今看來，特區政府正在旁觀香港市民被空氣污染折磨！