啱啱橫掃五個年終大獎嘅王梓軒同香港中樂團，尋日起一連兩晚喺文化中心合作舉辦《中西新歷聲》音樂會，「星爸」兼唱片公司老闆，亦係港區全國人大代表嘅王英偉親自到場打氣，仲叫埋政商界老友入場欣賞添！
好多後生粉絲入場撐偶像，政界人士亦都畀足面現身，好似財經事務及庫務局局長陳家強、運輸及房屋局局長鄭汝樺同埋經濟動力嘅立法會議員林健鋒，都變身王梓軒嘅忘年歌迷。
囝囝開音樂會，「星爸」王英偉（左二）幾忙都抽空去撐場。
