Sun角度:叉得過密電池好快死

智能電話功能多多，既可以上網，又可以聽歌、玩遊戲，惟耗電速度極高，因此，很多用家都會爭取機會叉電，更有人長期插着叉電線。但叉電叉得愈頻密，電話電池愈「死得快」！

理工大學電機工程系教授鄭家偉指出，電池也需保養，採用錯誤充電方法，不但令電池耗損，對電話也無益。第一，電話電池都有其充電次數，因此用家切勿「係又叉，唔係又叉」，鄭解釋：「如果電池低於五成，每叉一次電都計成一次，如果有五成電量，呢個時候叉電，就計算成叉半次電，如果下下有七、八成電都去叉，會嘥咗叉電機會。故此，用戶不應經常斷斷續續充電，這會加速電池老化。」

第二，叉電期間不宜講電話。鄭家偉表示，在充電期間，電話會發熱，如再講電話，會令其熱上加熱。但如電池已充滿電，仍然叉電則可以照講。他解釋：「滿咗電講電話係無問題，會用直流電，對舊電反而仲好，亦唔會影響充電次數。」第三，用家完全將電量耗盡才充電，對電池有損害，鄭建議在電池未耗盡電時，先熄掉電話。