政情：潮青團年陣容鼎盛
名人二代愈嚟愈活躍，香港潮州商會青年委員會前晚搞咗個團年聯歡晚會，好多潮州青年才俊踴躍出席，擔頭嘅有潮州商會會長陳幼南、會董張俊勇同青委會新主任陳光明，其他就有大生地產董事馬清揚等，觀瀾湖球會副主席朱鼎健當晚更係啱啱由海南觀瀾湖飛返深圳，之後隨即坐車來港出席團年晚宴，咁頻撲都撐場，皆因「家己冷」夠團結咯。
同馬清揚傾起潮州文化，佢承認潮州人傳統比較重男輕女，但佢話自己無分彼此，對待幾個仔女更加一視同仁添，仲引述港姐太太錢慧儀話佢錫晒個女添！
潮州商會會長陳幼南（中）、新舊青委會主任陳光明（右）同張俊勇（左），一齊出席潮青團年聯歡晚會。
馬清揚（左）同朱鼎健（右）百忙中都抽空支持。