學者解讀：華叔志向高大

【本報訊】到底司徒華兩首作品抒發了甚麼感情？嶺南大學中文系助理教授陳雲細閱司徒華兩首作品後推斷，兩首詩同為題於壯年的壯年詩，其中「欲報瓊瑤路竟無」一首，明顯帶有思憶愛人的味道，而後三句則似是暗示司徒華化悲憤為力量，雖然失去一生中最愛，但亦堅持為香港及祖國的民主大業奮鬥。

陳解釋：「呢首詩可以睇到，華叔嘅志向好高好大。詩裏面，瓊瑤代表美玉，可以解做得到美人，全句代表得到美人嘅垂愛。整體寫得唔錯，係『一腔熱血凝雲雨』呢句略嫌白咗啲，不過都係一首好詩！」

至於「西北高樓清怨絕」一首雖然是詩，但作品隱見宋朝愛國名將岳飛和南宋著名詞人辛棄疾作品的風格，詩意波瀾壯闊，同樣題示司徒華的鴻鵠之志，相信他是借詩自況：「整體嚟講兩首詩都寫得好，係好詩，對仗工整、押韻準確。最重要係睇到華叔一生努力不懈，唔會放棄自己堅持嘅理想。」