政情：扮嘢文買衫冇碼空手回
有「扮嘢文」之稱嘅蘭桂坊之父盛智文，前日出席完新民黨成立典禮後，由柴灣飛車去中環ifc逛一陣街。初時佢乜都睇唔中，跟住行去Agnes b「尋寶」，即時畀新上架嘅恤衫吸引，仲捉住店員查詢新貨情況。點知佢神龍見首不見尾，入去更衣室轉咗個圈後就唔見人。事後打番電話問佢買咗乜？佢話：「冇呀，我最終冇買到，因為Size唔啱。」原來佢着開Size 2或Size 3，但貨架上只剩尺碼較大嘅Size 4，佢唔鍾意衣不稱身，寧願唔買。
扮嘢文（左）捉住店員查詢新貨情況，可惜冇啱身嘅恤衫尺碼。
