政情：馬偉明改裝Prada皮褸
著名時裝設計師Walter馬偉明唔止鍾意買名牌，仲鍾意改裝名牌，好似早前佢出席二○一一年皮草設計比賽，就以Prada啡色皮褸襯Prada啡紅色皮鞋，型格十足，而件皮褸係今季最hit新貨。佢又自爆件皮褸經過改裝，改短衫袖同膊位，唔怪得咁貼身啦！除咗係Prada迷，佢仲係超級購物迷，中午食晏一有時間就貢去離公司不遠嘅尖沙咀海港城逛街，梗唔少得去Prada朝聖。
馬偉明嫌身上Prada皮褸衫袖位同膊位唔夠貼，搵名店師傅改裝後fit晒。
呢對令立立嘅啡紅色皮鞋都係Prada出品。
