政情：陳晴自爆產後家有五寶
海洋公園保育基金主席陳晴（Judy）升咗級做媽咪，產後冇耐，佢尋日已經出席公開活動，同海洋公園主席盛智文及老友協成行集團董事總經理方文雄出席第十六屆「海洋公園保育日」，宣布同廣東海洋江河生態保護促進會簽訂合作框架協議，加強粵港兩地海洋資源保育經驗及技術交流。
Judy唔肯透露太多屋企嘅新成員，只係話屋企有五個寶貝，佢哋有大有細，有男有女喎。
至於盛智文就話，上任以來以私人名義捐咗逾三百萬畀個基金會，畀啲大學生去東南亞唔同地方做保育工作，佢仲謙稱自己唔識保育，所以出錢等後生仔做。佢呢個義工主席，真係出錢又出力！
左起：方文雄、陳晴及盛智文齊齊出席海洋公園保育基金活動。