政情：豪買花膠 范太唔夠銀彈

農曆新年將至，好多家庭主婦已開始辦年貨，全國人大常委范徐麗泰尋日出席一個活動嘅時候，都大手筆掃咗六千六百元花膠當辦年貨。范太笑笑口話，呢批貨係要三家人分㗎。

第五屆本地漁農美食迎春嘉年華已開幕，范太年年都捧場，尋日更袋定五千幾蚊嚟掃貨，花膠呢啲含豐富骨膠原嘅食品最啱女士，范太精挑細選咗十塊左右，找數嘅時候發現帶唔夠錢，要同行嘅姑仔幫手。范太話，囝囝曾託佢幫手買，所以先至買咁多，除咗花膠，仲買咗蝦乾、鹹魚同新鮮蔬菜，滿載而歸。

Money18 新功能「18好路數」為你預測心水股票升跌機會率

范太（左一）豪花六千幾元買花膠，搞到唔夠現金付款。