Sun世代：年輕潮媽愛帶仔女四圍去

Jessica○四年畢業於英國西敏寺大學心理系，畢業返港做了一年保險從業員，之後忙於建立自己的家庭，直到前年才回公司接手業務。「做保險可以接觸唔同嘅人，學到溝通同銷售技巧，對依家嘅工作好有幫助。」

她○五年結婚，現在大仔五歲、細女四歲，這位年輕潮媽最愛寓旅遊於教育：「Daddy喺我同哥哥好細個嘅時候，已經帶我哋四圍去，所以我都好鍾意放假同仔女去旅行，始終放假先可以真正放鬆。」

三歲隨父到日本傾生意

說起父親袁士強，她憶起一件兒時趣事：「Daddy話我三歲嗰陣，帶我去日本傾生意，點知我好百厭，竟然咬爆咗人哋餐廳隻杯，好彩冇受傷！」

縱橫遊由袁士強創辦，他年輕時曾到日本讀書和當導遊，了解當地經營文化後，七九年在港開始這盤生意，初時專營旅行團批發代理，發展至今，已有五間門市，未來會逐步開拓亞洲以外的旅行路線。