土木工程拓展署署長蔡新榮即將榮休，尋日講起公務員生涯，佢透露，原來自己一生都同「橋」結下不解緣，由屯門公路嘅穿山大橋到創下世界紀錄嘅青馬大橋，佢都一一睇住。
喺政府一做就三十二年嘅蔡新榮話，七三年畢業之後第一份工喺私人顧問公司任職，一入行就有份興建屯門公路，自此對大橋「情根深種」，最自豪係參與青馬大橋工程，佢話：「當時喺時間緊迫下可如期完工，仲創下咗同類吊橋最長世界紀錄，滿足感好強烈！」
蔡新榮多年嚟心繫大橋，參與興建青馬大橋令佢最引以為傲。
