SUN世代：瀟灑才俊談婚論工

上市公司主席是不少人夢寐以求的職位，坐到這個位的人，更是外界眼中的成功人士。偏偏管理市值五億元、逾千名員工的康宏金融集團主席王利民（Quincy），雖然在短短十多年間由與同學仔夾錢創業，到今日獨當一面做上市公司主席，但在他眼中與「成功」尚有一段距離：「好成績當然係一個印記，但紀錄係要嚟打破，工作應該不斷超越自己，我會諗最成功同犀利嘅事仲未發生。」

四十三歲的Quincy外表瀟灑有型，典型事業有成男士模樣。任職金融行業，頭腦「轉數」快，說話速度都快過人，更出乎意料的是，他「開口埋口」提及的不是投資回報、業績表現等一大堆金錢數字，反而帶點感性。開門見山問他有何成功之道，他不單說出對「成功」的一套獨有見解，更以婚姻相提並論：「婚姻就話會揀定咗，呢個就係我最鍾意嗰個，但工作唔同，唔到最後一刻，都唔知道邊一次叫做最成功。」

拍拖妙喻創業

今日貴為金融集團主席，但他當年在理工是修讀建築，顯然不是自細立志要做金融界巨子。他稱許多人年輕時都未搞清楚自己的方向，認為「唔錯過唔知咩係啱」，年輕人有本錢「錯」，但正所謂「三十而立、四十而不惑」，如果到三、四十歲仍「唔知自己想點」，則是「超錯」！不少人會對自己的工作有怨言，而他對選擇工作，都有一套妙論：「唔鍾意做嗰樣嘢，但又會成功，呢啲例子好少見，就好似話『我好憎我老婆，但我對佢好好』，講唔通！」

Quincy約在三十歲已創業，自立門戶。九七年，他原本從事金融服務行業，一次他的大學舊同學向他「sell單」，不單成為他的理財顧問，後來更找他合資開公司創業：「嗰時嘅諗法好simple and naive（簡單和天真），我喺度諗，我都唔蠢吖，我都會幫襯，咁應該好多人都會幫襯，咁個市場咪好大？」雖然當年純粹憑直覺和一時衝動做決定，但他反而多得這股動力，因為有些人做事太多顧慮或猶豫，最終都無付諸實行。他又以拍拖做比喻：「好似拍拖咁，有啲人失過戀又話唔再拍拖，失敗過就唔敢再做，咪唔成事囉。」

九八年，Quincy加入康宏管理團隊，而當年找他創業的那位舊同學，正是現任康宏金融集團行政總裁馮雪心（Rosetta），兩人共事十多年，能夠在金融風暴、科網泡沫爆破、沙士和金融海嘯來襲後仍站得住腳，Quincy認為有賴公司上上下下的人才：「一個人嘅能力有限，去搵多啲唔同嘅人才返嚟，先可以做得更好，兼容全面嘅服務。」

去年七月，康宏正式在香港主板上市，不輕言成功的Quincy稱歷年工作當然有許多值得自豪和驕傲的地方，例如公司在業界中獲頒財富管理大獎，但獎項亦是提示大家要保持佳績：「依家先開始起步，香港做得好，離開香港又點呢？希望公司將來能成為亞洲區最具規模的獨立理財顧問公司。」

王利民Profile

年齡：43歲

現職：康宏金融集團主席

學歷：香港理工學院建築技術與管理學高級文憑

嗜好：行山、跑步、入廚