警權大晒 雙程婦全當妓女 拎包藥又話毒品

【本報訊】警方濫權事件無日無之，社區組織協會社區組織幹事王智源表示，該會每年收到近二十宗有關警方濫權的查詢及求助個案，受害者主要是弱勢社群，如居於舊區的單身漢或新來港婦女：「好啲就淨係查佢哋身份證或問埋啲唔關事嘅嘢，有啲持雙程證嘅婦女原本嚟港探親，警察無證無據都認定係嚟做北姑（意指妓女）嘅，有理無理扣晒返去先；亦曾經有啱啱睇完精神科嘅病人拎住包藥，都畀警察以為係毒品滋擾一輪，亂咁嚟！」王表示，大部分求助者得悉投訴警方機制是「自己查自己」後都放棄跟進，甚為可惜。

聲明書「畫蛇添足」

就今次麥偉文的個案，法律界人士黃國桐指出，被捕人士獲撤銷擔保時，警員例行會口頭知會他警方有權繼續調查，但甚少會要求他簽署作實。黃直言對麥偉文所指的「聲明書」感到有點「無厘頭」、「畫蛇添足」。他認為，如果懷疑有警員冒簽虛假文件，應該馬上報警求助。

對於麥指摘警方「唔告又告」，黃國桐表示，警方落控要講求證據，如果證據充分就可馬上安排上庭：「好似包致金姪女咁，證據確鑿係襲警，好快搞掂。」他指出，因此亦印證警方就麥偉文襲警一事沒有充分證據，才「十五十六」，結果要徵詢律政司近七個月之久才決定起訴。