City Parade：壽Sing 派對
男人事業為重，往往錯過開Party賀生日嘅機會，一次過補回損失，也未為過。全國青聯前任副主席曾智雄上周二喺曾家九龍塘豪宅開P賀牛一。是廿五歲還是四十五歲，唔緊要，近百位好友伴住唱K吹蠟燭，忘了今宵「我是幾多歲」。一代歌后鄧麗君嘅歌聲，永遠活在港人心中。今年係鄧麗君逝世十五周年，音樂劇《愛上鄧麗君》上周五喺尖沙咀文化中心上演，醉人歌聲，令城中名人聽出耳油。
壽星仔獻唱七情上面
曾智雄（右）抱住小孩子唱Beyond首本名曲《光輝歲月》，七情上面，太太（左）喺旁邊笑住打氣。
三代同堂老太笑不攏嘴
壽星仔曾智雄同埋B女、太太（中）在曾家大宅開P，曾老太笑不攏嘴。
青聯孖寶齊賀壽
香港青聯副主席李永康（右）同當然副主席游錦榮（左）齊賀壽星仔。
大哥拉隊到賀分外熱鬧
大哥曾智謀（右二）偕大女（左一）、細女（左二）及大女男友（右一）一同湊熱鬧賀壽。
黎瑞恩迷人甜笑
黎瑞恩聖誕同老公曾智明及一對仔女遊澳洲，充電過後笑容分外甜美。