政情：理文兩公子好夢落空
元旦賽馬係城中盛事，好多名人都希望今年攞個頭彩，不過有人歡喜有人失落，理文造紙太子爺李文俊（Raymond）同李文斌（Edmond）兩兄弟尋日入馬場捧愛駒場，可惜Raymond嘅愛駒「包裝選擇」三甲不入，搞到胞弟Edmond拉頭馬嘅好夢成空。
不過，第二場冠軍馬「軍士」係匹團體馬，其中一個馬主東華三院總理趙怡係Edmond朋友，佢嗌埋老友落場拉頭馬，Edmond都算過咗拉頭馬嘅癮。問大佬Raymond有乜新年願望，佢話舊年好多嘢做得唔好，希望今年好啲。
李文俊（左）嘅愛駒「包裝選擇」出賽，李文斌（右）做兄弟嘅梗係要入場支持。
李文斌夫婦（左一及二）好友趙怡（右二）匹團體馬跑出，齊齊落場拉頭馬。