立法會大樓今年就要搬遷，好多現任同前任議員都紛紛懷舊，啱啱「升呢」做新民黨主席嘅立法會議員葉劉淑儀就話，佢對大樓嘅最難忘回憶係個停車場，唔通因為早排佢嘅司機連炒四車好傷？佢話唔係因為呢件瘀事，而係○二年佢仲做緊保安局局長時喺停車場被圍。
葉劉話當時佢坐車離開立法會，喺停車場被過百個爭取居港權人士重重包圍，近一小時動彈不得。當年高官被人圍好少見，難怪葉劉咁多年後仲記憶猶新。
葉劉座駕當年喺立會停車場被包圍，但佢仲喺車內睇雜誌。 （資料圖片）
