City Parade:歡樂連連

聖誕夜喺寒風中度過，但對於國際著名小提琴家姚珏嚟講，就係熱情洋溢嘅晚上。姚珏將聖誕夜奉獻出嚟，一連三晚喺尖沙咀文化中心搞音樂會，更割愛拿出一個陪伴佢多年嘅珍貴小提琴做慈善拍賣，結果由善心人士以十三萬八千元投得。聖誕日，歡呼聲又點會咁快停，香港西醫工會上周六喺會展開聖誕Party，名為「歌舞昇平聖誕夜」，call齊三百多位城中名醫，不醉無歸。

姚珏 妙韻賀佳節

小提琴家姚珏奏出悅耳悠揚的樂曲，讓聖誕佳節倍添浪漫醉人。

姚珏丈夫 招呼樂迷

新聞處處長黃偉綸約埋貿易發展局總裁林天福嚟聽歌，姚珏丈夫魯恭親自招呼。

姚珏細女 驚喜探班

姚珏細女Clara靜雞雞去後台探班，畀媽咪一個驚喜。

郭炳湘妻 感謝籌款

姚珏拍賣小提琴為「生命熱線」籌款，身為該會主席嘅郭炳湘太太Wendy話衷心感謝。

馬逢國 偕妻聽歌

港區人大代表馬逢國同太太拍拖聽音樂會過聖誕。