政情：林鄭義賣攤位掃貨送暖
慈善義賣活動好多時係講心多過講金嘅，發展局局長林鄭月娥尋日出席一個活動時，就做真人示範，一口氣喺現場嘅義賣攤位中使咗千五蚊，買咗十五條深色頸巾同幾隻玻璃碗。買嚟做乜？畀老人家做禮物囉，只係先助慈善籌款，再將物資轉捐有需要嘅老人。
林鄭話，佢係呢個活動嘅長期捧場客，早喺出任社會福利署署長期間已參加過，後期雖然調咗去唔同工作崗位，都有繼續支持，難怪佢被封為呢個活動嘅「朋友」。
林鄭喺攤位大掃貨，一於雙重行善。