政情：王國強抱孫四代同堂
年尾假日多，喜事更多。港區全國政協委員、金城營造主席王國強（KK）近排好開心，事關上月二十六號Boxing Day當日，佢嘅第一個孫女出世，BB重六磅幾。王國強嘅爸爸係八十八歲嘅「輝叔」王錦輝，一家四代同堂真係可喜可賀。
KK喺過去一個月之內，先獲浸會大學頒授社會科學博士銜，再獲香港工程師學會選為全港二十三名最著名工程師之一，同諾貝爾物理學獎得主高錕等人同列香港「工程界翹楚」，依家大新抱又為王家添個娃娃，KK心情有幾興奮可想而知。
KK話，準備為小孫女搞百日宴，由於親友太多，為免掛一漏萬，所以諗緊低調咁同至親食番餐就算嘞。
