港區人大代表王英偉係「公職王」，同時亦係星爸，尋日政府公布新任命，王英偉獲委為藝術發展局主席，接替做足六年離任嘅馬逢國。王英偉話，嚟緊兩年藝發局工作繁重，因為政府希望推動本港藝術團體發展，等佢哋將來充分利用西九文化區嘅設施，藝發局主席又手揸藝團撥款大權，佢已經預咗工作唔易做。
加埋藝發局嘅工作，王英偉已有六項公職在身，以政府「六六制」嚟計已經到頂。藝發局仲出現好幾位新面孔，包括信和集團主席黃志祥嘅千金黃敏華。