City Parade：聖誕潮飲
聖誕鐘聲響起，party排晒隊，打頭炮係菁英會聖誕聯歡，上周一晚喺灣仔皇朝會舉行，吸引近兩百位青年才俊出席，唔少人仲係富豪二代。當晚高潮要數啤酒競飲大賽，俊男美女用漏斗同膠喉鬥快飲，娛樂性豐富。另一班富二代就將美麗公諸同好，賭王千金何超盈與張天愛女兒邢嘉倩，上周二齊推出限量版crossover靚衫，收益撥捐香港癌症基金會，善心滿瀉。
騎呢鬥酒全場勁High
四Pair男女用漏斗及膠喉鬥快飲啤酒，為聯歡晚會掀起高潮。
傅明憲兩男相伴
菁英會資深會員傅明憲傍住兩位新會員，包括國際青年商會香港總會會長李騰駿及張弘。
新舊菁英打成一片
菁英會新舊會員打成一片。左起：前香港青聯主席許華傑、梁君彥兒子梁宏正、創會會長施榮忻、李根泰、林健鋒兒子林凱章。
十期學員忘我獻唱
菁英會第十期學員上台獻唱《龍的傳人》，康泰旅遊總經理黃進達(紅箭嘴示)及康業信貸快遞行政總裁李根泰(藍箭嘴示)唱得好投入。
莊家兄妹 瞓身盡歡
莊家彬酒量驚人，蟬聯啤酒王寶座，妹妹莊家蕙就兩邊走，去完菁英會後又去隔籬君悅酒店參加丁子高同楊千嬅嘅婚宴。
時裝設計師大玩crossover
何超盈、林心兒及邢嘉倩與時裝設計師Natalie攜手合作推出crossover時裝。
超蕸力撐超盈處女騷
細妹超盈有處女作登場，家姐何超蕸又點會錯過？
眼罩美女笑容迷人
菁英會愈來愈多靚女會員，雖然戴住眼罩，但笑容依然迷人。