政情：Bunny聖誕P歎勻四國菜

聖誕Party多籮籮，但要一次歎齊中、日、意、法菜式，再加靚酒真係唔易，青年事務委員會主席陳振彬（Bunny）早前喺柴灣青年廣場Palco Ristorante餐廳開Party。Bunny預訂嘅日本魚生真係唔講得笑，包括五千克來自青森縣大間天然藍鰭吞拿魚，全部腩位，每千克售價二千八百元，仲有二十千克千葉縣象拔蚌、一百隻北海道北寄貝及廿五盒帆立貝，仲有廿五盒、一盒五排嘅大海膽，最少值三至四萬港元，食到嘉賓舔舔脷。

Money18 新功能「18好路數」為你預測心水股票升跌機會率

難得放下工作，楊立門（左起）、黃柏高、陳振彬、梁卓偉都飲番杯。

◆《超級無敵獎門人》御用日本料理師傅金城雅洋，特別到場為大家炮製頂級魚生。