政情：黑英當眾剝衫撐環保

好多人鍾意喺聖誕節送禮，退休後全身投入環境保護嘅天文台前台長「黑英」林超英尋日話，依家嘅禮物包裝愈來愈花巧，唔多唔少造成資源浪費，如果聖誕節可以過得環保啲，對延緩全球暖化一定有正面作用。

尋日雖然係聖誕日，但黑英一樣要出動，參加一個團體舉辦嘅青少年領袖研討會，向逾百個來自世界各地嘅青少年講解氣候暖化嘅禍害。尋日本港氣溫因為寒流襲港而下降，但黑英就一味搞氣氛，啱啱上台就當住眾多青少年除外套，仲話氣候都暖化了，唔使着咁多衫喎，跟住就將話題巧妙咁轉入咗氣候暖化嘅學術性資料上，搞到青少年聽到都笑瞇瞇。

Money18 新功能「18好路數」為你預測心水股票升跌機會率

黑英尋日一上台就脫下西裝外套，並笑言氣候暖化可以少着衫。