City parade：潮州商會晚宴

九十歲，換了誰都怕老，但九十歲生日嘅潮州商會，卻要幾「潮」有幾「潮」。上周四喺會展開Party，慶祝商會成立九十周年兼新一屆會董就職，逾千賓客冒住九度嚴寒，舉杯恭賀。序幕只係啱啱揭開，連串慶祝九十歲生日活動，陸續有來。

名人二代慶生團結

潮州名人二代好團結，睇前東華主席馬清鏗同深水埗區議員鄭泳舜，就係最佳例證。

潮州之寶主持大局

九十五歲國學大師饒宗頤係「潮州之寶」，商會生日，點少得佢主持大局。

張成雄揮旗助興

副會長張成雄與太太、公子張俊勇一家，興奮地揮旗助興。

范徐麗泰好抵得冷

氣溫急降，蔡素玉凍到雙手瑟縮衫袋，范徐麗泰就連頸巾都冇戴，好抵得冷。