政情：克勤仔帶學生上京交流

尋日係平安夜，人潮逼爆機場，當中見到建仔嘅立法會議員陳克勤，佢朝早十點幾現身VIP通道，準備上機。見佢着住薄皮褸，隨身行李只有一個小背囊。去邊度玩呀？非也，原來係撇低女友，飛去北京公幹至真！克勤仔話呢次係帶逾百個中學生上京，去清華大學同北京大學交流，二十八號先返，即係聖誕節都要喺北京過，幸好佢女友明白事理冇詐型，返港後再補數。

克勤仔撇低女友，做團長帶逾百學生上京交流。