政情：高官買聖誕禮物應節
前日下晝三點鐘喺中環太子大廈，見到政制及內地事務局局長「林公公」林瑞麟兩公婆拖手仔行街shopping，見林公公手上挽住一袋法國La Maison du Chocolat朱古力，佢話係送畀朋友嘅聖誕禮物。冇耐，喺太子大廈二樓間「PICTURE THIS」藝廊撞到運輸及房屋局副局長邱誠武，見佢左手夾住一份聖誕禮物喺藝廊入面睇嘢，期間睇咗幾本畫冊，又同店舖嘅外籍負責人傾咗一陣，約十五分鐘後離開。
林瑞麟翹實太太行街shopping，手上挽住袋La Maison du Chocolat朱古力。
La Maison du Chocolat售賣多款法式朱古力，係好多名人嘅至愛。
邱誠武夾住一份聖誕禮物喺藝廊睇書。