立法會「五散人」之一嘅保險界議員陳健波，今年聖誕節邊度都冇得去，要留港向太太陪罪。
話說今個年度立法會工作相當繁重，陳健波以為聖誕節都有會要開，放心唔落拋低去玩，所以一直唔敢應承太太去旅行。不過，太太早就諗住同佢去新加坡環球片場玩吓，過番一個刺激嘅聖誕節。
點知當佢肯定聖誕冇工作纏身，可以放心遠行嘅時候，機票同酒店都唔等人，全部爆滿，始料不及嘅佢當然畀太太詐型。依家忙於補鑊嘅陳健波，初步諗住同太太行山度聖誕喎。