尋日下晝兩點幾見到「新界王」、行政會議成員劉皇發個仔劉業強拉埋太太同三個仔女喺機場離境大堂現身，佢哋一家五口嘅大件行李已經寄晒艙，大家手fing fing好輕鬆，原來準備去東南亞度假，享受暖笠笠聖誕，過埋新年先返香港。
外遊名人中，仲有人稱「棉花公主」嘅行政會議成員楊敏德，今日佢將起程飛斯里蘭卡。楊敏德喺當地有紡織廠，此行同囡囡潘楚穎巡視當地業務，順便考察早前捐款興建、用以協助南亞海嘯災民嘅醫院，認真善心。
劉業強一家現身機場離境大堂，出發去東南亞。
