回流青年油雞飯贈露宿者

【本報訊】一名善心年輕人聯同友人自發籌款，在昨日平安夜向一百五十名深水埗區的露宿者派發「聖誕油雞」併叉燒飯，讓他們得享溫暖的聖誕餐。由加拿大回流返港的年輕人袁鎮滔表示：「喺外國平安夜好緊要，有好多團體會向無家可歸者派發聖誕餐，我喺嗰邊返嚟，以為香港都喺咁，今年想幫手，點知打去幾個團體先發現原來香港冇啲咁嘅傳統，所以自發籌款去做。」

○一年回流、現任職公關公司的袁鎮滔指，僅僅數周已向親友籌得六千多元，足以向每名露宿者派發一個飯盒、一個生果以及一盒紙包飲品。「政府咩都唔做，仲要封晒啲橋底，等佢地冇得瞓，如果佢哋肯用少少拍聖誕宣傳片嘅錢，改為好似我哋咁，派餐畀佢哋，已經好好！」

在深水埗露宿約二十年的梁伯無親無故，每逢聖誕只會倍添傷感，但今次有一批有心人向他們派發飯盒，終令他感受到真正溫暖。