政情:徐立之難忘鯇魚腩之恩

香港大學明年踏入創校百周年,將舉行為期兩年嘅慶祝活動。講起歷史,校長徐立之亦忍唔住細說兒時往事。

唔講唔知,徐校長嘅爺爺係杭州富豪,但五十年代舉家由內地逃難嚟香港。佢憶述小學時代某日放學如常返到北角閣樓嘅住所,發現家中空無一人,佢走咗落樓下雜貨舖北角士多歇息,至知道原來爸爸返咗內地,委託「士多大哥哥」睇住佢。

不經不覺等到日落,飯香撲鼻,士多伙記準備開飯,但仍未見爸爸蹤影,佢個心開始焦急,呢一刻,「士多大哥哥」送上一碗熱飯同肥美嘅鯇魚腩,令佢非常感動,「嗰次係我生平第一次食魚」。自此佢就同魚結下不解嘅情意結,佢一直想搵番呢位「士多大哥哥」,希望有緣報答呢位大恩人。

Money18 新功能「18好路數」為你預測心水股票升跌機會率

徐立之