墮斃男生遺屬促開死因庭

墮斃男生遺屬促開死因庭

【本報訊】癡戀富家女跳樓身亡的十七歲男生黃嘉舜,其父指兒子與女友拍拖一年,兒子間中會到女友家中過夜,不明他為何突墮樓慘死,質疑女方家長處理失當,又指警方無交代事件,考慮要求召開死因庭查出死亡真相。

富家女仍未返學

昨日黃父表示,兒子十五歲姓甘女友的家人,以及警方仍無交代事件,兒子不能死得不明不白:「既然報咗警,點解仲會跳樓?當中有乜嘢刺激到個仔呢?」他稱,嘉舜與甘女拍拖一年,之前曾到女友家溫習,亦曾過夜,如果有問題為何到前日才出聲,質疑女方家長處理失當。

黃父打個譬如指:「康泰旅行團港人喺馬尼拉遇害,電視直播都睇晒,點解香港仲要當地證人來港作供,就係要了解真相,想知道究竟發生乜嘢事。」他稱,與甘女父母素未謀面,故不會主動聯絡。

黃母含淚說:「我個仔去你屋企玩,無端端跳樓,好唔合理。」黃兄表示,亡弟手機內的智能卡無故遺失,由於有太多疑點,不排除申請召開死因庭徹查真相。此外,嘉舜喪禮將以天主教形式舉行及火葬,一切從簡。

明愛胡振中中學姓霍副校長表示,姓甘女生仍無上學,校方已聯絡其家人,了解是否需提供協助,昨晨早會已對全校師生公布事件,希望同學懂得珍惜生命,而部分同學受事件影響,需社工及教育心理學家開解。

事發於前日凌晨,嘉舜在薄扶林碧瑤灣姓甘女友家中溫習,女友父母見深夜着他離去,惟嘉舜拒絕,甘父報警指有人滋擾,嘉舜聽聞後突跨過露台圍欄躍下身亡。

Money18 新功能「18好路數」為你預測心水股票升跌機會率

死者胞兄考慮申請召開死因庭。

黃嘉舜生前與女友親密照。