Sun世代：鑽石男唔心急拍拖
蔡志明年屆花甲，一早想子女接班。蔡氏育有三女一子，大女蔡加敏早在旭日集團幫手，么女蔡加怡則被譽為至索上市公司主席，掌管旭日旗下的醫療集團「康健國際」，孻子Karson固然要及早入主旭日。而他作為富二代，兼且外表靚仔有型，早被外界譽為鑽石男，是城中超級筍盤。
「唔使門當戶對」
曾經拍過幾次拖的Karson說目前單身，現時一切以事業為重，不心急尋找心儀女孩：「希望慢慢嚟，如果講擇偶條件，最好係純品、同做嘢無關嘅人，相處舒服同直接。爹哋都唔會規定有咩條件，唔使門當戶對，佢話搵個似媽咪嗰啲就好。」
Karson形容母親愛心爆棚，身為幼稚園校監，事事親力親為，又參與童軍等慈善活動，Karson在耳濡目染下，亦加入成為香港童軍總會新界地域會長及沙田少年警訊名譽會長，身體力行跟青少年接觸，今年更當上深圳政協委員，為港商發聲。
蔡加讚為旭日集團的慈善比賽頒獎。 （受訪者提供）
蔡加讚（右）和家人不時聚首一堂。 （受訪者提供）