政情：張學明生蛇痛到冇覺瞓
鄉議局副主席兼建仔立法會議員張學明九月先通完波仔，之後傳佢身體好弱，仲突然暈低添。張學明尋日出席泰亨鄉太平清醮活動後話，其實佢係因為「生蛇」令夜晚瞓得唔好，先會頭暈跌倒。佢仲話家族遺傳問題令佢血脂偏高，依家飲食都小心咗好多。
佢話九月時心臟唔舒服，檢查後發現兩條血管塞咗，即刻入院做通波仔手術，醫生檢查後都話進展良好。不過，早排佢又感染咗過濾性病毒（俗稱生蛇），身體生蛇嘅位置好痛，成晚瞓唔到，所以先會暈暈地跌親。
張學明尋日喺寒冷天氣下代表鄉議局喺活動上致辭。