政情：醫局新會議廳摒棄傳統
醫管局尋日召開大會，新上任嘅梁栢賢首次以CEO身份出席會議，醫管局新會議廳都係第一次啟用，事關經過長達一年嘅裝修。
其中一名醫管局大會成員李國麟話，成個會議廳嘅設計冇咗主席高高在上嘅感覺，令人覺得好舒服，佢自己好滿意。另一成員霍泰輝就認為舊嘅會議廳靚啲嘞。
新會議廳有乜唔同呢？最大唔同應該係以前有典型嘅英式議會格局，依家就較平易近人。與會人士家吓平起平坐，主席都唔會高人一等，而成員嘅座位前仲加咗好多新式嘅會議設備，好似表示發言先後嘅訊號燈、電視屏幕、投票同咪高峰嘅按鈕等。為咗令各位大會成員熟習環境，職員喺開會前都花咗幾分鐘時間教大家用新嘢。李國麟因為喺立法會用慣咗呢套系統，所以一啲難度都冇。
梁栢賢首次以CEO身份出席醫管局會議。