易小玲哽咽:唔原諒菲國
【本報訊】 「我咁傷,講嘢都講得唔係咁清楚,叫我去諒解佢(菲律賓政府),我真係接受唔到囉!」在菲律賓「8.23慘案」中生還的易小玲,於事發後四個月首度開腔,對於菲律賓旅遊部長來港請求原諒,她表示不能接受。
每日食精神科藥物
年僅三十四歲、容貌娟好的易小玲,原本擁有幸福的人生,初生的嬰兒正等着她照顧,但慘劇卻改寫了她的一生。她下顎受傷,一度不能進食及說話,更無法回復昔日的容貌,未來一年須進行多次大手術,她昨日接受電視台電話訪問時,說話不但含糊不清,亦語帶哽咽,她指因手指折斷,影響日常生活,包括不能開門,「要用螺絲鑲好(手指),但都係廢咗!」
除了身體的傷患,心靈亦受重創,「我依家每日都食精神科藥物,先冇咁驚!」她譴責菲律賓政府,「係佢哋唔啱,係佢哋做錯事,死咗咁多人,傷咗咁多人,佢哋應該公開道歉!」據悉,易小玲數日前曾到沙田威爾斯親王醫院覆診,下顎的軟組織愈合理想,料稍後可進行下顎重建手術,下一步會植牙,部分手指能屈曲及拿東西。
另一生還者李奕彪批評菲律賓訪港團欠誠意,「可以話係小動作,用咁低層次嘅(官員),以前又話係副總統,依家就係旅遊部長」。他估計,菲不外乎是想本港解除黑色外遊警示,又說:「肯定會向菲政府索償,唔係要佢畀粒糖咁簡單。」他稍後會跟其他死者家屬及傷者商討集體控告菲律賓政府。
易小玲