Sun世代：做生意 讀碩士 服務社會 事業愛情兩得意
說Dorothy一心多用並不誇張，她既忙於做生意，又要兼顧青聯和菁英會的社會事務工作，例如今年為青聯統籌大學生職位空缺計劃，向青聯一眾兄弟姊妹「揼心口」，找到二千個職位供大學生申請。至於菁英會主辦的博鰲青年論壇，她亦有份參與，令她獲益不淺。
她還騰出時間修讀人民大學法律碩士課程，每星期都要到城大上課。「好想喺內地開廠，修讀法律就係想熟悉內地情況，將來開廠會好有用。」
對感情她絕不多心。男朋友在滙豐投資銀行部任職，是大學同學，已拍拖多年。她笑得甜蜜：「佢好支持我做生意，原本佢想趁我生日同我去馬爾代夫旅行，但因為聖誕節零售市道好忙，惟有取消，佢仲上嚟公司幫我手，有佢喺身邊，好多嘢都好放心。」