SUN世代:感激嚴母管出前程

耿春亞年少有成，他坦言「父母好重要，為咗培育我，佢哋真係不惜代價！」他尤其感激母親的悉心栽培：「媽咪認為教育好重要，由我一出世，佢就辭咗份工，一心照顧我。」不過，耿春亞當初未能體會母親的苦心，反而覺得好悶，因為母親的管教方式相當嚴厲：「我細個最大的痛苦，就係阿媽唔返工，由朝到晚睇住我讀書、學小提琴！當時我覺得好悶、好冇意思，覺得呢個唔係人生。」

「除咗睇書冇限制之外，阿媽完全唔畀我食雪糕、出街玩、打遊戲機、睇電視，夜晚要聽音樂瞓覺！由細到大我都無假期，要學好多嘢。」現在回想，他才懂得感激：「阿媽對教育有一套睇法，對我成長有好大幫助。」到了十五歲，母親還他自由，對他說：「細個一定要管，到長大之後，你就知自己做緊乜嘢。」

「我開始創業時都冇錢，父母畢生積蓄也只有十萬元左右。阿媽同我講，如果你唔夠錢，你可以全部攞去，做你想做嘅嘢；如果你唔夠人，我同阿爸一齊幫你，其他事幫唔到手，但可以幫你煮飯、洗衫。」對於父母無條件的支持，令他得以實踐理想，耿春亞深受感動。他現正申請父母來港團聚，希望能一盡孝道，報答養育之恩。