政情:黃友嘉食嘢唔揀擇
政情:黃友嘉食嘢唔揀擇
工展會尋日開鑼,呢個盛事係廠商會嘅招牌活動,身為會長嘅黃友嘉同太太一早嚟到撐場,副會長兼展覽服務主席施榮懷今次係第三次揸大旗搞工展會,盛傳即將離任嘅中聯辦副主任黎桂康,尋日都有入場,試吓港式美食。
工展會橫跨聖誕同元旦,黃友嘉決定今年唔出門旅行放假,黃太好體諒,喺美國讀書嘅兩個囡囡冇投訴,仲會返港陪爸爸,講到工展會貨物,黃太話老公食嘢唔揀擇,平貴食材都合佢口味,相信場內一定可以揀到心水貨物。