政情：曾憲梓50萬獎超級丹
政情：曾憲梓50萬獎超級丹
廣州亞運啱啱結束，中國羽毛球好手「超級丹」林丹自○八年勇奪奧運金牌後，再喺亞運奪得男單金牌，前全國人大常委曾憲梓尋晚喺九龍塘大宅筵開十席款待林丹同主教練李永波，仲送出五十萬元支票獎勵林丹添。
傳聞話林丹計劃同拍拖多年嘅謝杏芳拉埋天窗，但佢不置可否，只係指住曾老嘅大宅話：「甚麼時候我能在香港買這麼大的房子，我才考慮結婚！」林丹係福建龍岩市嘅客家人，曾老尋日寫咗幅「客家之子」嘅大字畀佢，林丹就送番件親筆簽名嘅參賽球衣回禮。曾老話，林丹結婚時，佢仲會封大利是或者叫金店打最適合嘅紀念品送畀佢！
曾憲梓（左）向林丹送上五十萬元支票後，林丹亦回禮向曾老送上親筆簽名球衣。
尋晚嘅食物由曾智明太太黎瑞恩一手包辦。
客家梅菜炆豬肉色香味俱全，個個食到舔舔脷！