政情：梁愛詩梁美芬特登撞衫
政情：梁愛詩梁美芬特登撞衫
社交圈嘅人好介意撞衫，不過，以中華總商會永遠榮譽會長霍震寰為首嘅名人組成「香港廣佛肇聯誼總會」，前晚喺灣仔會展舉行成立就職典禮，逾千人參加，場內主要嘉賓嘅服裝全由港區全國人大代表田北辰旗下嘅「G2000」贊助，結果好多名人刻意撞衫。
田二少今次贊助男士恤衫同領呔，女士就配上搶眼嘅紅色外套，總共贊助咗幾十套衫！創會成員、基本法委員會副主席梁愛詩同匯賢智庫主席葉劉淑儀、恒生大班梁高美懿、立法會議員梁美芬及李慧琼都着住紅色外套，雖然各有配套，但各有各精彩，撞衫都可以撞得咁過癮喎！
穿着旗袍嘅梁愛詩（左）與西裙一度嘅梁美芬，配上相同嘅紅色外套各具特色。