政情：機迷胡文新力撐項明生
政情：機迷胡文新力撐項明生
好多後生仔都鍾意打遊戲機，尤其家吓嘅遊戲機花款愈嚟愈多，尋日一個推廣賽車遊戲嘅活動喺合和中心廣場舉行，合和實業董事總經理胡文新（Thomas）仲特別到場，原來係嚟同老友兼活動負責人項明生（James）聚一聚，密斟約十五分鐘。
尋日下晝兩點半，活動舉行頒獎禮後，一身Causal Look、戴住印有「PS3」鴨嘴帽嘅Thomas突然喺合和中心地下一間餐廳大門側，同老友傾咗一陣後，就喺職員掩護下返回合和中心辦公室。
Thomas愛低調，但James就爆Thomas鍾意打遊戲機，好似新出嘅Sony PS3《GT5》賽車，仲有機動戰士高達遊戲，都係佢「飛弗」！
不過James未試過同Thomas網上連線打機，話鍾意自己玩單打多啲。