政情：大舊惹火踢波都「襲警」
政情：大舊惹火踢波都「襲警」
立法會足球隊尋日又上陣，今次嘅對手係警察足球隊，過去兩年憑外援創下八連勝歷史佳績嘅立法會隊，尋日卻被人扳平，球賽去到尾段，雙方求勝心切，碰撞都愈來愈多，警隊有人掹衫，大舊就被吹推人，好彩今次只係踢波，如果係遊行示威，大舊會唔會畀人告襲警㗎？
尋日落場嘅有身兼領隊嘅資訊科技界議員譚偉豪等，佢仲搵番嚟嘅多名傑志元老助陣，警隊方面嘅實力都唔弱，開波冇耐就攻入一球，之後立法會外援發揮唔錯，追番領先，到尾段警隊把握立會外援門前犯規，射入十二碼追平收場。
大舊（左）同警隊隊員多次埋牙，互相掹衫推人，不過都只係為咗踢波。