政情：李慧琼信唔過直資校

早前發表嘅審計署報告踢爆直資學校「混帳」事件，震驚全港家長，立法會九龍西議員Starry李慧琼特別有切身之痛，事關Starry面對公眾時係立法會議員，返到屋企就係一位女兒嘅母親，要為女兒嘅升學問題煩惱。

Starry話囡囡讀緊嘅小學冇一條龍直升機制，佢原本考慮為囡囡日後轉直資學校，一勞永逸，但係竟然有啲直資學校明明賺錢，仍然加學費，真係冇辦學良心，即係當班學生家長係羊牯啫，令Starry對直資學校嘅信心打咗折扣，佢都話怕怕，要重新考慮。

佢好感觸咁話，香港中產要供樓，又要交稅，但稍有能力嘅都希望畀兒女最好嘅教育，錢銀冇計，諗住直資學校學費貴啲，質素有保證，點知一樣失望！

李慧琼