政情：廿蚊張拉頭馬唔講黨爭

    • 政情：廿蚊張拉頭馬唔講黨爭

    富貴黨近日多風雨，黨核心個個心情煩躁自不待言。尋晚見到副主席「廿蚊張」張宇人入馬場，佢老友記鄭強輝嘅愛駒「萬子千紅」喺第二場以兩倍半大熱跑出頭馬，贏得三十六萬幾獎金。

    鄭強輝尋晚冇到，廿蚊張代佢拉頭馬，但問到有關富貴黨嘅問題，包括同剛退黨嘅田北辰再見仲係唔係朋友，同埋相唔相信田北辰同匯賢智庫立法會議員葉劉淑儀組黨等，佢都話唔想答，話今日唔講富貴黨，淨係講馬。不過，問到佢關於馬嘅問題，亦都唔見得佢想講，佢叫大家去問練馬師喎！

    廿蚊張（左一）戥老友高興，幫手拉頭馬。

    | 廣告價目 | 聯絡查詢 | 會員通訊 | 版權收費 | 企業關係 | 免責聲明 |
    版權所有 © 2025 ON.CC LIMITED. All rights reserved.
    感謝您瀏覽東網。請按入詳細閱讀本網站所載之使用條款及細則和私隱政策聲明，並須確定您同意接受有關條款及聲明的約束才可繼續瀏覽。