Sun世代：社區是我家 己欲達而達人

徐海山十一、二歲由福建移居香港，與一般新移民對社會採取比較疏離的態度有別，他積極參與社會活動：在香港中文大學修讀工商管理學士學位期間，參與學生會活動；畢業後又抽時間關注地區事務，成立「城市智庫」這個民間智囊組織；兩度參選區議員，二○○七年成功當選。投身社會服務的原因，多多少少與「家庭」有關。

年輕時，徐海山已有意參選區議員。「己欲達而達人。自己顧得掂自己之餘，都希望為社會做啲嘢。」選擇競逐區議員，有兩個原因：「社區係最基本嘅生活單位，家庭就喺社區裏面，社區環境對每個家庭都有影響。參與社區服務，可以改善大家嘅環境。」

「要一點一點咁去做」

第二個原因，是自覺能力有限：「想做大事，暫時無咁嘅能力，無可能一開始就呼風喚雨，要由細嘅地方開始，社區係比較好嘅切入點。喺社區裏面，可以睇到好多基本嘅社會問題，例如老人問題、福利問題、或者係青少年問題、新來港婦女問題，樓宇管理問題等等，要一點一點咁去做，先可以累積經驗，廣結人脈。」