政情：李三元識食歎翅唔呷醋

要聞港聞

兩岸國際

財經

娛樂

副刊

體育

要品嘗原汁原味嘅翅香，東華三院前主席李三元最有心得。一味出自朗廷酒店「唐閣」嘅清湯海虎翅，佢食咗十幾年，仍然係甘之如飴。

「唐閣」係米芝蓮二星級食府，芸芸廣東名菜中，李三元最鍾意清湯海虎翅，皆因「整翅工夫多，自己好難整得好味。」佢又係注重健康嘅人，清湯翅，啖啖精華。

海虎翅係翅中嘅一級極品，翅身較粗，師傅將魚翅加入老雞、瘦肉、金華火腿燉十小時，再以特別方法隔走肥油，剩下香濃無比嘅海虎翅，每碗上枱足有三両翅。唔少人食翅時愛加醋，李三元就唔多「呷醋」，怕掩蓋咗真正翅香。呢味翅，佢同兩個仔都愛不釋手。

Money18 新功能「18好路數」為你預測心水股票升跌機會率

清湯海虎翅香濃而唔油膩，啱晒注重健康嘅李三元。